សូមអានលក្ខខណ្ឌនៃការប្រើប្រាស់គេហទំព័រដូចខាងក្រោម។ គេហទំព័រនេះ មានអាសយដ្ឋាន http://www.klahan9.com.kh ។ គេហទំព័រនេះ ត្រូវបានបង្ហោះ និងគ្រប់គ្រងដោយអង្គការ BBC Media Action ។ ប្រសិនបើ លោកអ្នកមិនយល់ព្រមតាមខ្លឹមសារ ប្រការ និងលក្ខខណ្ឌនៃការប្រើប្រាស់គេហទំព័រទេ សូមកុំប្រើប្រាស់គេហទំព័រនេះ ។
១. អំពីលក្ខខណ្ឌនៃការប្រើប្រាស់គេហទំព័រ
- ១.១ លក្ខខណ្ឌនៃការប្រើប្រាស់ទាំងនេះ សំដៅអនុវត្តចំពោះការប្រើប្រាស់គេហទំព័ររបស់អ្នក។ ដើម្បីចូលប្រើប្រាស់ក្នុងផ្នែកណាមួយនៃគេហទំព័រនេះ អ្នកត្រូវយល់ព្រម និងទទួលយកលក្ខខណ្ឌនៃការប្រើប្រាស់ទាំងនេះ និងគោលការណ៍ឯកជនភាពរបស់យើង។
- ១.២ យើងសុំរក្សាសិទ្ធិគ្រប់យ៉ាង និងគ្រប់ពេលវេលាក្នុងការកែប្រែលក្ខខណ្ឌនៃការប្រើប្រាស់ទាំងនេះទៅតាមចិត្តរបស់យើងខ្ញុំ។ រាល់កំណែថ្មីដែលត្រូវចាត់ទុកថាមានអនុភាព គឺចាប់ពីពេល ដែលលក្ខខណ្ឌកំណែថ្មីនោះ ត្រូវបានចុះផ្សាយជាដំបូងនៅក្នុងគេហទំព័រនេះ។
២. ការចូលប្រើប្រាស់គេហទំព័រ
- ២.១ ក្នុងពេលដែលអង្គការ BBC Media Action ខំប្រឹងប្រែងធ្វើយ៉ាងណាឲ្យគេហទំព័រនេះ អាចប្រើប្រាស់រយៈពេល ២៤ ម៉ោងក្នុងមួយថ្ងៃ អង្គការ BBC Media Action មិនទទួលខុសត្រូវចំពោះហេតុផលណាមួយ ដែលគេហទំព័រនេះ មិនអាចដំណើរការបានក្នុងរយៈពេលណាមួយនោះ ឬមិនអាចដំណើរការបានគ្រប់ពេលវេលាទេ ។
- ២.២ អង្គការ BBC Media Action មិនធានាខុសត្រូវចំពោះភាពរអាក់រអួល ការរំខាន ឬមិនដំណើរការក្នុងខណៈអំឡុងពេលប្រើប្រាស់គេហទំព័រនេះ ឬដែលថាប្រព័ន្ធស៊ើវវ័រ៍ (server) និង/ឬឧបករណ៍ផ្សេងៗទៀត និងសេវាផ្សេងៗមួយចំនួនទៀត ដែលទាមទារក្នុងការបង្កើត គេហទំព័រនេះ អាចនឹងគ្មានមេរោគ ឬ គ្មានសារធាតុនាំមហន្តរាយដល់ឧបករណ៍ ឬម៉ាស៊ីនកំព្យូទ័រនោះទេ។
៣. ព័ត៌មានរបស់អ្នកប្រើប្រាស់ និងខ្លឹមសារអត្ថបទដែលអ្នកប្រើប្រាស់បានបង្កើត
- ៣.១ អ្នកជាម្ចាស់កម្មសិទ្ធិលើព័ត៌មានផ្ទាល់ខ្លួនរបស់អ្នក ដែលយើងខ្ញុំប្រមូលយកចេញពីគេហទំព័រ និងគោលការណ៍ឯកជនភាពរបស់យើងខ្ញុំ ដែលអាចគ្របដណ្តប់ទៅលើការប្រមូល និងការប្រើប្រាស់ទិន្នន័យផ្ទាល់ខ្លួនទាំងនោះ។
- ៣.២ ខ្លឹមសារអត្ថបទណាមួយ ដែលលោកអ្នកបានបញ្ជូនមកឲ្យយើងខ្ញុំ (ដែលក្នុងខ្លឹមសារអត្ថបទនោះ មានអត្ថបទផ្សេងៗ ការសរសេរប្លុក ឬខ្លឹមសារអត្ថបទ ដែលមានលក្ខណៈប្រហាក់ប្រហែលគ្នានេះផ្សេងៗទៀត ដែលអ្នកប្រើប្រាស់បានសរសេរ) ទោះជាការសរសេរនោះ ធ្វើឡើងដោយការប្រើប្រាស់គេហទំព័រនេះ ឬការប្រើប្រាស់គេហទំព័ររបស់អ្នកផ្សេងក៏ដោយ ការប្រើអ៊ីមែល ឬការប្រើមធ្យោបាយទូរគមនាគមន៍ផ្សេងៗ ហើយបើពុំដូច្នោះទេ (“ខ្លឹមសារអត្ថបទរបស់អ្នកប្រើប្រាស់”) នឹងត្រូវចាត់ទុកថាគ្មានភាពសម្ងាត់ និងមិនមែនជាម្ចាស់កម្មសិទ្ធិលើខ្លឹមសារនៃអត្ថបទទាំងនោះទេ។
- ៣.៣ តាមរយៈការបញ្ជូនខ្លឹមសារនៃអត្ថបទរបស់អ្នកប្រើប្រាស់មកឲ្យយើង អ្នកឯកភាពថា៖
ក) អ្នកបានផ្តល់ខ្លឹមសារនៃអត្ថបទទាំងនោះឲ្យពួកយើង និងអ្នកពាក់ព័ន្ធជាមួយពួកយើង និងអ្នកប្រើប្រាស់ផ្សេងទៀតក្នុងការប្រើប្រាស់គេហទំព័រជារៀងរហូត និងជាសាកល ដោយមិនទាមទារឲ្យដក ឬផ្ទេរ អាជ្ញាបណ្ណក្នុងការចូលមើល និងប្រើប្រាស់ខ្លឹមសារ នៃអត្ថបទរបស់អ្នកប្រើប្រាស់ទៅតាមគោលបំណង ដូចដែលបានកំណត់នៅក្នុងប្រការ ៦.២ ខាងក្រោម ។
ខ) អង្គការ BBC Media Action និងអ្នកជាប់ពាក់ព័ន្ធរបស់ខ្លួន មិនជាប់កាតព្វកិច្ចគោរពតាមខ្លឹមសារនៃអត្ថបទរបស់អ្នកប្រើប្រាស់ឡើយ ។
គ) អ្នកធានាបានត្រឹមតែថា៖
(i) ខ្លឹមសារនៃអត្ថបទរបស់អ្នកប្រើប្រាស់ គឺជាស្នាដៃដើមរបស់អ្នក ហើយស្នាដៃបែបនេះ គឺជាស្នាដៃ ដែលអ្នកមានសិទ្ធិសរសេរអត្ថបទនោះឡើង (និងការអនុញ្ញាត ប្រសិនបើវាត្រូវបានបង្កើតឡើងក្នុងគោលបំណងប្រកាសជ្រើសរើសបុគ្គលិក) ដើម្បីឲ្យគេមើល ឬប្រើប្រាស់ក្នុងគោលបំណង ដូចដែលបានគូសបញ្ជាក់ក្នុងខ្លឹមសារអត្ថបទនោះស្រាប់ ។
(ii) ខ្លឹមសារនៃអត្ថបទរបស់អ្នកប្រើប្រាស់នេះ គឺមិនមែនជាអត្ថបទបរិហារកេរ្តិ៍ និងមិនមានការបំពារបំពានច្បាប់ណាមួយនោះទេ ។
(iii) អ្នកយល់ព្រមបោះបង់នូវសិទ្ធិខាងសីលធម៌ និងប្រាជ្ញាស្មារតីចំពោះវិភាគទានជាខ្លឹមសារអត្ថបទរបស់អ្នក ក្នុងគោលបំណងប្រគល់ និង ផ្សព្វផ្សាយក្នុងបណ្តាញគេហទំព័រ និងមានបញ្ជាក់ពីគោលបំណងនៅទីនេះស្រាប់ ។
- ៣.៤ ការយល់ព្រមឲ្យអ្នកប្រើប្រាស់ដាក់បញ្ចូលខ្លឹមសារអត្ថបទរបស់ខ្លួនទៅក្នុងគេហទំព័រ ប្រព័ន្ធអ៊ីនធើណែតនឹងសុំឲ្យអ្នកប្រើប្រាស់នីមួយៗផ្តល់ជូននូវព័ត៌មានផ្ទាល់ខ្លួនមួយចំនួន ដូចជា ឈ្នោះអ្នកប្រើប្រាស់ (User name) អាសយដ្ឋានអ៊ីមែល (E-mail address) និងលេខទូរស័ព្ទ ឬមធ្យោបាយទំនាក់ទំនងផ្សេងៗទៀត។ អ្នកគ្រប់គ្រងប្រព័ន្ធគេហទំព័រនឹងរក្សាទុកនូវព័ត៌មានផ្ទាល់ខ្លួនរបស់អ្នកប្រើប្រាស់ ដែលបានបង់ប្រាក់ និងធ្វើជាម្ចាស់លើគេហទំព័រ ដែលខ្លួនបានជាវ ក្នុងគោលបំណងគ្រប់គ្រង និងប្រើប្រាស់គេហទំព័រនោះក្នុងរយៈពេលមួយតាមដែលខ្លួនត្រូវការ និងស្របតាមគោលបំណង ដែលខ្លួនបានដាក់ពាក្យស្នើសុំប្រើប្រាស់។
៤. ការដាក់ខ្លឹមសារអត្ថបទនៅក្នុងគេហទំព័រនេះ និងគេហទំព័ររបស់តតិយជន
- ៤.១ ខ្លឹមសារអត្ថបទ ដែលបានដាក់បញ្ចូលទៅក្នុងគេហទំព័រនេះ ដោយអង្គការ BBC Media Action រួមមាន មេរៀនបម្រើគោលដៅនៃការបណ្តុះបណ្តាល ព័ត៌មានរៀបរាប់អំពីសាវតាប្រទេស ព័ត៌មានអំពីគោលនយោបាយ និងឯកសារផ្សេងៗទៀត តំណគេហទំព័ររបស់តតិយជនប្រសិនបើមាន និងទិន្នន័យដែល (ជា “ខ្លឹមសារអត្ថបទរបស់គេហទំព័រ”) ទាំងអស់ ហើយខ្លឹមសារអត្ថបទរបស់អ្នកប្រើប្រាស់ សម្តៅយក (ខ្លឹមសារអត្ថបទរបស់គេហទំព័រ និងខ្លឹមសារអត្ថបទរបស់អ្នកប្រើប្រាស់ទាំងអស់នេះ ដែលពីពេលនេះតទៅហៅថា (“ខ្លឹមសារអត្ថបទ”) ដែលមិនទាន់ធ្វើបច្ចុប្បន្នភាព និងក្នុងពេលអង្គការ BBC Media Action ខំប្រឹងប្រែងធ្វើយ៉ាងណាឲ្យខ្លឹមសារអត្ថបទទាំងនោះ បានត្រឹមត្រូវ។ អង្គការ BBC Media Action មិនធានាថាខ្លឹមសារនៃអត្ថបទនោះ មានភាពពេញលេញ ភាពត្រឹមត្រូវ ឬមានអត្ថប្រយោជន៍នោះទេ។ ប៉ុន្តែចំពោះឯកសារ ដែលបានរៀបរាប់ទាំងអម្បាលម៉ាន មិនកំណត់យកតែត្រឹមប៉ុណ្ណឹងឡើយ។ វាជាការទទួលខុសត្រូវរបស់អ្នកក្នុងការវាយតម្លៃខ្លឹមសារនៃអត្ថបទនោះថាមានភាពពេញលេញ ភាពត្រឹមត្រូវ និងមានអត្ថប្រយោជន៍ ។
- ៤.២ តំណជាមួយនឹងគេហទំព័រតតិយជននៅក្នុងគេហទំព័រនេះ ត្រូវបានផ្តល់ឲ្យអ្នកផ្តាច់មុខសម្រាប់ប្រើប្រាស់ក្នុងគោលបំណងធ្វើឲ្យមានភាពងាយស្រួលដល់អ្នកតែម្នាក់ប៉ុណ្ណោះ។ ប្រសិនបើ អ្នកប្រើតំណទាំងនេះ តំណទាំងនេះនឹងភ្ជាប់ការប្រើប្រាស់របស់អ្នកទៅនឹងគេហទំព័រតតិយជន ហើយអ្នកត្រូវទទួលស្គាល់ និងយល់ព្រមថា អង្គការ BBC Media Action មិនបានពិនិត្យឡើងវិញ មិនទទួលខុសត្រូវ មិនត្រួតមើល មិនធានា ឬធ្វើជាតំណាង និងមិនអះអាងក្នុងការឯកភាពតាមគេហទំព័ររបស់តតិយជនទាំងនេះ ទាំងខ្លឹមសារអត្ថបទរបស់គេ ឬលទ្ធផលអ្វីផ្សេងៗទៀតនោះទេ ទោះជាផលិតផល ឬសេវា ដែលនឹងអាចមាននៅក្នុងការប្រើប្រាស់គេហទំព័រទាំងនោះក្តី។ ប្រសិនបើ អ្នកសម្រេចចូលមើល ឬប្រើប្រាស់គេហទំព័រតតិយជនណាមួយដែលភ្ជាប់ជាមួយនឹងគេហទំព័រនេះ ក្នុងករណីអ្នកសម្រេចចិត្តប្រើប្រាស់តំណនោះ ហើយមានហានិភ័យអ្វីកើតឡើង គឺជាការទទួលខុសត្រូវទាំងស្រុងរបស់អ្នក ។
៥. កម្មសិទ្ធិបញ្ញា
- ៥.១ កម្មសិទ្ធិបញ្ញា និងសិទ្ធិជាម្ចាស់ទិន្នន័យទាំងអស់នៅក្នុងគេហទំព័រស្រាប់ និងការដាក់បញ្ចូលក្នុងគេហទំព័រ និងខ្លឹមសារអត្ថបទគេហទំព័រ ខ្លឹមសារអត្ថបទទាំងនោះ រួមមាន អត្ថបទ រូបភាព និងគំនូរព្រាងផ្សេងៗ ប៉ុន្តែអត្ថបទទាំងនេះមិនកំណត់យកតែប៉ុណ្ណឹងទេ ហើយខ្លឹមសារអត្ថបទទាំងនោះ គឺជាកម្មសិទ្ធិរបស់អង្គការ BBC Media Action និង/ឬក៏ជាអ្នកទទួលបានអាជ្ញាបណ្ណ។ ចំណែកឯកម្មសិទ្ធិបញ្ញា ដែលជាខ្លឹមសារអត្ថបទនៅក្នុងគេហទំព័រ និងខ្លឹមសារអត្ថបទរបស់អ្នកប្រើប្រាស់ទាំងអស់ ដែលដាក់បញ្ចូលក្នុងគេហទំព័រ គឺនៅតែជាកម្មសិទ្ធិរបស់អ្នកប្រើប្រាស់ ដែលបានបង្កើត និងរៀបចំនូវខ្លឹមសារអត្ថបទនីមួយៗរបស់អ្នកប្រើប្រាស់។
- ៥.២ អ្នកមិនអាចចម្លងតាម មិនអាចផលិតជាថ្មី មិនអាចអនុញ្ញាត ឬផ្ទេរអាជ្ញាបណ្ណបន្ត មិនអាចបោះពុម្ពផ្សព្វផ្សាយឡើងវិញ មិនអាចចែកចាយ មិនអាចបញ្ជូនចេញ មិនអាចបង្ហោះឲ្យគេឃើញជាសាធារណៈ មិនអាចដាក់បង្ហាញឲ្យគេឃើញឡើងវិញ ឬមិនអាចទុកឲ្យគេមើល ឬទាញយក យកទៅកែ យកលំនាំតាម រុះរើកែច្នៃ បង្កើតឡើងតាមរយៈការកែច្នៃស្នាដៃការងារ ក្លែងបន្លំ ឬបញ្ជូនទៅគេហទំព័រណាមួយផ្សេងទៀត ឬគេហទំព័រ ដោយប្រើប្រាស់មធ្យោបាយណាមួយ ឬតាមវិធីណាមួយក៏ដោយ ហើយខ្លឹមសារអត្ថបទ ដែលមាននៅលើ ឬនៅក្នុងគេហទំព័រនេះ ឬចម្លងទុក (save) ដូចបានគូសបញ្ជាក់នៅក្នុងខ្លឹមសារ និងលក្ខខណ្ឌនៃការប្រើប្រាស់ទាំងនេះ តាមប្រការ ៦.៣ ខាងក្រោមនេះស្រាប់ ដោយមិនត្រូវធ្វើអ្វីនាំឲ្យមានការប៉ះពាល់ដល់ខ្លឹមសារអត្ថបទទាំងនេះទេ។ អ្នកត្រូវយល់ព្រម និងទទួលស្គាល់ថា អ្នកនឹងមិនទាមទារធ្វើជាម្ចាស់កម្មសិទ្ធិចំពោះខ្លឹមសារអត្ថបទទាំងនោះទេ។ អ្នកក៏ត្រូវទទួលស្គាល់ផងដែរថា ការកែប្រែខ្លឹមសារអត្ថបទទាំងនេះ ឬការប្រើប្រាស់ខ្លឹមសារអត្ថបទទាំងនេះ ទោះក្នុងគោលបំណងអ្វីក៏ដោយ ដែលមិនត្រូវបានអនុញ្ញាតដោយខ្លឹមសារ និងលក្ខខណ្ឌ នៃការប្រើប្រាស់ទាំងនេះ នឹងត្រូវចាត់ទុកថាបានរំលោភសិទ្ធិ និង/ឬកម្មសិទ្ធិបញ្ញារបស់យើង និងរបស់អ្នកដទៃ។
- ៥.៣ ពាណិជ្ជសញ្ញា ស្លាកសញ្ញា សញ្ញាសេវាកម្ម (ជារួមហៅថា “ពាណិជ្ជសញ្ញា”) ដែលបានបង្ហោះនៅលើទំព័រគេហទំព័រ ត្រូវបានចុះបញ្ជី និងលុបពាណិជ្ជសញ្ញាចេញពីបញ្ជី គឺអង្គការ BBC Media Action និងពាណិជ្ជសញ្ញាផ្សេងៗទៀត ដែលត្រូវចុះក្នុងបញ្ជីពាណិជ្ជកម្ម ឬត្រូវលុបចេញពីបញ្ជីពាណិជ្ជកម្ម។ គ្មានអ្វីដែលបានរៀបរាប់នៅលើគេហទំព័រនេះ ត្រូវបានប្រើប្រាស់ ដោយគ្មានការអនុញ្ញាត តាមរយៈការចេញអាជ្ញាបណ្ណ ឬសិទ្ធិប្រើប្រាស់ពាណិជ្ជសញ្ញាណាមួយ ត្រូវបានបង្ហោះលើគេហទំព័រ ដោយគ្មានការអនុញ្ញាត សម្រាប់ភាគីដែលមានសិទ្ធិលើពាណិជ្ជសញ្ញា ដែលត្រូវបង្ហាញនៅលើគេហទំព័រនោះទេ។
៦. ការប្រើប្រាស់គេហទំព័ររបស់អ្នក
- ៦.១ អ្នកត្រូវយល់ព្រមថា អ្នកនឹងមិន៖
ក) ប្រើប្រាស់គេហទំព័រនេះក្នុងគោលបំណងបង្ហោះ ឬបញ្ជូនខ្លឹមសារអត្ថបទ ឬរូបភាពទាំងឡាយណា ដែលមានខ្លឹមសារ ឬរូបភាពមិនស្របច្បាប់ មានការប៉ះពាល់ មានការគំរាមកំហែង មានការរំលោភបំពាន បៀតបៀន បរិហារកេរ្តិ៍ ឬរើសអើង ឬខ្លឹមសារអត្ថបទ ដែលច្បាប់ហាមឃាត់គ្រប់ប្រភេទ។
(ខ) បញ្ចូលឯកសារ ឬរូបភាពណាមួយទៅក្នុងគេហទំព័រ ដែលធ្វើឲ្យគេហទំព័រនោះ មានមេរោគ ឬពុំនោះទេ ធ្វើឲ្យគេហទំព័រនោះខូច ឬដំណើរការមិនកើត, ឬ
(គ) ប្រើប្រាស់ខ្លឹមសារអត្ថបទនៅលើ ឬនៅក្នុងគេហទំព័រ ក្នុងគោលបំណងពាណិជ្ជកម្មណាមួយនោះទេ។
- ៦.២ អ្នកត្រូវបានអនុញ្ញាតឲ្យប្រើប្រាស់ខ្លឹមសារអត្ថបទក្នុងគោលបំណងឯកជនរបស់អ្នកតែប៉ុណ្ណោះ ការប្រើប្រាស់ក្រៅពីគោលដៅពាណិជ្ជកម្ម ត្រូវបានអនុញ្ញាតឲ្យអ្នកចម្លងទុករាល់ព័ត៌មានពាក់ព័ន្ធនឹងសិទ្ធិចម្លងទុក និងសិទ្ធិកម្មសិទ្ធិបញ្ញា ដែលមាននៅក្នុងខ្លឹមសារអត្ថបទនេះ។ អ្នកអាចប្រើប្រាស់ខ្លឹមសារអត្ថបទ នៅក្នុងគេហទំព័រនេះ ថាជាប្រភពព័ត៌មានមួយ ជាស្នាដៃការងារ ដែលអ្នកបានបង្កើតឡើង ហើយវាបានធ្វើឲ្យអ្នកយល់ព្រមទទួលស្គាល់គេហទំព័រ និងអង្គការ BBC Media Action ថាជាប្រភពដើមនៃអត្ថបទ។ ការប្រើប្រាស់ខ្លឹមសារអត្ថបទគេហទំព័រផ្សេងទៀត ទាមទារឲ្យមានការអនុញ្ញាតជាលាយលក្ខណ៍អក្សរជាមុន។ សូមមេត្តាទំនាក់ទំនងជាមួយពួកយើង ប្រសិនបើអ្នកមានចម្ងល់អ្វីពាក់ព័ន្ធនឹងការប្រើប្រាស់ខ្លឹមសារនៃអត្ថបទក្នុងគេហទំព័រនេះ។
៧. ការទទួលខុសត្រូវ
ទោះឋិតក្នុងស្ថានភាពបែបណាក៏ដោយ ក៏អង្គការ BBC Media Action ឬដៃគូរបស់ខ្លួន ដែលផលិតខ្លឹមសារអត្ថបទរបស់គេហទំព័រ (BBC និង/ឬ អង្គការ BBC Media Action) មិនទទួលខុសត្រូវចំពោះការបាត់បង់ ឬការខូចខាត (ទោះជាការបាត់បង់នោះអាចមើលឃើញ អាចទស្សន៍ទាយបាន ឬអាចដឹងជាមុនក៏ដោយ ឬពុំដូច្នោះទេ)៖ (ក) ការបាត់បង់ទិន្នន័យ, (ខ) ការបាត់បង់ប្រាក់ចំណេញ ឬមិនទទួលបានប្រាក់ចំណញ, (គ) ការបាត់បង់អាជីវកម្ម, (ឃ) ការបាត់បង់ឱកាស, (ង) ការបាត់បង់នូវសុឆន្ទៈ ឬការខូចកេរ្តិ៍ឈ្មោះ (ច), ការបាត់បង់ ដែលបង្កឡើងដោយសារតែតតិយជន ឬ (ឈ) ផលប៉ះពាល់ដោយប្រយោល ការប៉ះពាល់ជាពិសេស ឬការខូចខាតជាក់ស្តែង ដែលបណ្តាលមកពីការប្រើប្រាស់គេហទំព័រនេះ ដោយមិនគិតពីស្ថានភាព នៃការប្រើប្រាស់តាមវិធីណានោះទេ។
៨. ប្រការរួម និងខ្លឹមសារទាំងមូលនៃកិច្ចព្រមព្រៀង
លក្ខខណ្ឌ នៃការប្រើប្រាស់ទាំងនេះ មាននៅក្នុងកិច្ចព្រមព្រៀងទាំងមូល រវាងយើងខ្ញុំ និងអ្នកពាក់ព័ន្ធនឹងការប្រើប្រាស់គេហទំព័ររបស់អ្នក និងជំនួសឲ្យការព្រមព្រៀង ការរៀបចំ ការអនុវត្ត ឬសំណូមពរពីមុនៗណាមួយរវាងយើងខ្ញុំ និងអ្នក ទោះកិច្ចព្រមព្រៀង ឬសំណូមពរនោះ ធ្វើឡើងដោយផ្ទាល់មាត់ ឬជាលាយលក្ខណ៍អក្សរក៏ដោយ។
៩. ការបញ្ឈប់កិច្ចសន្យា ការប្រគល់ឲ្យគេ និងតតិយជន
- ៩.១ យើងខ្ញុំសុំរក្សាសិទ្ធិមិនឲ្យអ្នកប្រើប្រាស់គេហទំព័រ និង/ឬមិនឲ្យចូលមើលកិច្ចព្រមព្រៀងរបស់អ្នក ដែលបានចុះជាមួយយើងខ្ញុំ បានគ្រប់ពេលវេលា ដោយមិនចាំបាច់មានមូលហេតុ ឬត្រូវជូនដំណឹងជាមុននោះទេ ហើយវាជាកិច្ចព្រមព្រៀង ដែលឋិតក្រោមលក្ខខណ្ឌ នៃការប្រើប្រាស់ទាំងនេះ ហើយក្នុងករណីបែបនេះ អ្នកមិនត្រូវប្រើប្រាស់គេហទំព័រ ដែលត្រូវបញ្ចប់ក្នុងស្ថានភាពបែបនេះ ដោយគ្មានការអនុញ្ញាត ឬគ្មានការព្រមព្រៀងជាមុនពីខាងយើងខ្ញុំនោះទេ។
- ៩.២ លក្ខខណ្ឌ នៃការប្រើប្រាស់ទាំងនេះ គឺជាលក្ខខណ្ឌ ដែលរៀបចំឡើងសម្រាប់តែការប្រើប្រាស់ផ្ទាល់ខ្លួនរបស់អ្នកតែប៉ុណ្ណោះ ហើយអ្នកគឺជាអ្នកចុះកិច្ចសន្យាសម្រាប់ប្រើប្រាស់ជាផលប្រយោជន៍ផ្ទាល់ខ្លួន និងមិនមែនដើម្បីផលប្រយោជន៍តតិយជនណាមួយនោះទេ។ អ្នកមិនត្រូវអនុញ្ញាតឲ្យអ្នកដទៃប្រើ មិនត្រូវផ្តល់អំណាចឲ្យអ្នកដទៃធ្វើកិច្ចសន្យាបន្ត ឬផ្ទេរទៅឲ្យជនណាមួយផ្សេងទៀត ឬផ្តល់សិទ្ធិ និងកាតព្វកិច្ចរបស់អ្នកទាំងអស់ ដែលឋិតក្រោមលក្ខខណ្ឌ នៃការប្រើប្រាស់ទាំងនេះ ទៅឲ្យអ្នកដទៃនោះទេ ។
- ៩.៣ លក្ខខណ្ឌ នៃការប្រើប្រាស់ទាំងនេះ ត្រូវឋិតក្រោមច្បាប់ និងត្រូវធ្វើការបកស្រាយឲ្យស្របទៅតាមច្បាប់អង់គ្លេស ។ រាល់វិវាទ ដែលកើតឡើងពាក់ព័ន្ធនឹងលក្ខខណ្ឌ នៃការប្រើប្រាស់ទាំងនេះ គឺត្រូវតែឋិតក្រោមយុត្តាធិការផ្តាច់មុខរបស់តុលាការអង់គ្លេស។
