ជំនាញទន់

យុវជន​ខ្វះ​ជំនាញ​ទន់ ដើម្បី​សម្រេច​ភាព​ជោគជ័យ​ក្នុង​អាជីព​របស់​ខ្លួន ។ ជំនាញ​ទាំង​នេះ គឺ​ជា​ជំនាញ​សំខាន់​សម្រាប់​យុវជន​ខ្មែរ ក្នុង​ការ​ស្វែង​រក​ការងារ​ធ្វើ ការ​ទទួល​បាន​ការ​ដំឡើង​តំណែង ឬ​ចាប់​ផ្តើម និង​ធ្វើ​ឱ្យ​អាជីវកម្ម​មាន​ស្ថិរ​ភាព ហើយ​វា​ក៏​មាន​សារៈ​សំខាន់​ផង​ដែរ ដើម្បី​បង្កើត​ជម្រើស​ក្នុង​ជីវិត និង​ពិភាក្សា​អំពី​បញ្ហា​ទាំង​នេះ ជាមួយ​អ្នក​ពាក់​ព័ន្ធ​សំខាន់ៗ ដូចជា ឪពុក​ម្តាយ​ជាដើម ។

ក្លាហាន9 មាន​គោល​បំណង ណែនាំ​ឱ្យ​យុវជន​ខ្មែរ​បាន​ស្គាល់​ពី​អ្វី​ទៅ​ដែល​ជា​ជំនាញ​ទន់ ដូចជា ការ​ធ្វើ​ផែនការ ការ​ប្រាស្រ័យ​ទាក់ទង ការ​ចរចា ការ​ដោះស្រាយ​បញ្ហា​នានា ការ​បង្កើន​ទំនុក​ចិត្ត​លើ​ខ្លួន​ឯង និង​ការ​សម្រប​ខ្លួន ។ ឧទាហរណ៍៖ តាម​រយៈ​ការ​បង្ហាញ​រឿង​អំពី​ជីវិត​ពិត ដូចជា រឿង​របស់ លោក ហង្ស បញ្ញាកា ដែល​បាន​យក​ឈ្នះ​ការ​តស៊ូ​ខ្លួន ជាមួយ​ការ​ទាក់ទង ការ​ចរចា និង​ជំនាញ​ក្នុង​ការ​សម្រេច​ចិត្ត ដើម្បី​រក្សា​ការងារ​នៅ​ក្នុង​អង្គការ​ក្រៅ​រដ្ឋាភិបាល​មួយ ។

ក្លាហាន9 មាន​គោលបំណង​ជំរុញ​លើក​ទឹកចិត្ត​យុវជន ឱ្យ​ស្វែងរក​ការងារ និង​វិជ្ជាជីវៈ​តាម​ចំណង់​ចំណូល​ចិត្ត​របស់​ខ្លួន ។ យើង​មាន​រឿង​បំផុស​គំនិត​ជាច្រើន ដែល​បង្ហាញ​ពី​របៀប​ដែល​យុវជន​អាច​បន្ត​អាជីព​ និង​ចាប់​យក​ឱកាស​អាជីវកម្ម ។ ក្នុង​ចំណោម​រឿង​ទាំង​នោះ ក៏​មាន​រឿង​ជា​ច្រើន អំពី​បុគ្គល​គំរូ ដែល​បង្ហាញ​ពី​ជីវិត​ផ្ទាល់​ខ្លួន​ជុំវិញ​ការ​ជំរុញ​លើក​ទឹកចិត្ត​ដល់​យុវជន ដូចជា លោក ឃួន កែវ មក​ពី​ខេត្ត​កំពត ដែល​បាន​ចែក​រំលែក​រឿង​បំផុស​គំនិត​របស់​គាត់ អំពី​ការ​ចាប់ផ្តើម​អាជីវកម្ម​ផ្ទាល់ខ្លួន គឺ​ផលិត​ត្រី​ពី​ផ្លែដូង​ទុំ​ដែល​គេ​បោះ​ចោល។ កញ្ញា ចាន់ គុងកា ជា​កូន​កសិករ​ក្រីក្រ​ម្នាក់ ប៉ុន្តែ​ដោយ​សារ​ការ​ខិតខំ​ប្រឹង​ប្រែង ដើម្បី​សម្រេច​បាន​នូវ​ក្តី​សុបិន​របស់​ខ្លួន គាត់​ទទួល​បាន​ជោគជ័យ​ក្លាយ​ជា​តារា​បង្ហាញ​ម៉ូដ ។ រឿង​ទាំង​នេះ អាច​ជួយ​ជំរុញ​យុវជន​ឱ្យ​ជ្រើសរើស​អាជីព​តាម​ក្តី​សុបិន និង​ផ្តល់​គំនិត​ឱ្យ​ពួកគេ អំពី​ជម្រើស​ផ្សេងៗ​នៃ​ការងារ ដែល​អាច​រក​បាន និង​អ្វី​ដែល​ជា​ឧបសគ្គ ឬ​បញ្ហា​ប្រឈម​ដែល​ពួក​គេ​អាច​ជួប​ប្រទះ និង​របៀប​ដោះស្រាយ​បញ្ហា​ទាំង​នោះ ។